كلمات باباعمر للمرحومة فاطنة بنت الحسين

الرمز المختصر للمعلومة فقاعدة البيانات MM2228







كلمات باباعمر للمرحومة فاطنة بنت الحسين

العنوانبابا عمر
كلمات الحان غناءفاطنة بنت الحسين واولاد بنعگيدة
الرمز المغربي MMmm2228


واواو… مولاي عمرالوالي سيدي بّا
سيدي رانا مريض رنا شاكي لي غادي طول الزمان إلاكّي بابا عمر
ادّيني معاك ادّيني اوليدي دّيني نشوف بعيني بابا عمر
تعالى رانا مريض رانا شاكي بابا عمر
حلّيت سالفي حلّيتو سيدي عمر
ليلي ليلي كّد البحر كّد مّاجو بابا عمر
السويعة لي امباركة مسعودة سيدي عمر
يا لّي غادي را طول الزمان إلاكّي بابا عمر

اوليدي شلخه في البحر اتهامى جبدوها شي عوامة بابا عمر
ديني معاك ديني بابا عمر دّيني انشوف احبابي سيدي بّا
را دّيني معاك دّيني سيدي عمر
انتوما يا اولاد دكالة بابا عمر وهاد الحال راه بلانا داك الشريف
راه الشرفا عزاز عليا سيدي عمر
يا لي غادي العيشة بلا احباب اراسي بابا عمر
اوليدي العيشة بلى والِدين كيف الطاير بلى جنحين بابا عمر
تعالى ليا وهذا ما اكتاب عليا بابا عمر

اوليدي حليت سالفي حليتو سيدي عمر
بابا عمر حتى فقير ماخلّيتو داك الشريف
رانا مريض راني شاكي طول الزمان إلاكّي سيدي عمر
يا لي غادي عيشة بلا اولاد اتبكي بابا عمر
يا لي غادي ادّيني معاك ادّيني بابا عمر
تعالى ليا رانا مريض رانا شاكي بابا عمر
ليلي ليلي الزين حبو مولانا سيدي عمر
الموت حارة زغبية بابا عمر دات لي اعزيز عليا داك الشريف
لي بغيت ليك ايجيني سيدي با

لي غادي شلخة في البحر اتهامى بابا عمر
لي غادي دقتين في الرويس تحير بابا عمر
تعالى ليا عيشة بلا اولاد اراسي بابا عمر
ليلي ليلي الزين حبو مولانا سيدي عمر
رانا مريض رانا شاكي وراني اخديم عبد القادر يا مّي
را مكتوبي خليني منّي لمولايا سيدي
ادّيني معاك ادّيني ياودّي وراه شوشني ركاب الغادي يا بّا
يا الادريسية هاد الحال فيك وفيا كّولو
اوليدي اوليدي الشرفا اعزاز عليا انا لي اخديمو بالنية

را الزين حبو مولانا وخى ايكون في دربالة اودي
شلخة في البحر اتهامى جبدوها لي عوامة
مالي مالي دقتين في الرويس تحير كلمة في الوذن تغير
انا على مكتوبي و العيشة بلا اولاد اراسي اودي
الميمة ارضات عليا كيف الصباح كيف العشية كّولّو
الشيّة لا شيّة الحباب صاكّوني حتى الولاد
ابغيت حقي في عدياني ورا حتى نشوفو بِعيْنيا
الله اخلي خايمة الدوّايا ولّي دواو ماهمني يا مّي
يا مكتوبي خليني منّي لمولايا اسيدي
الزين حبو ربي واخّا إكون مخبّي

هذا ما اكتاب اراسي العيشة بلا احباب شفاية اكّولو
هذا ما اكتاب عليا نمشي معاك بلّي فيا
حلّيت سالفي حلّيتو وحتى فقير ماخالّيتو
دقتي في الرويس تحيّر امّي وكّدّام الغايب و الحاضر
عيشة بلا احباب ترشّي وقلة الكتاف شفاية
الادريسية اودّي هاذ الحال فيك وفيا
حلّيت سالفي حلّيتو ووليدي حتى فقير ماخالّيتو
ادّيني ادّيني ادّيني نزورالعلوة اسيدي
هاذي حالة البرّاني وكّول الغريب ارجع لبلادو
لي كواتو نار الموت ولّي خوات عليه البيوت
رانا مريض راني شاكي طول الزمان إلاكّي الساعة لّي امباركة مسعودة ادّيني معاك ادّيني
ادّيني ادّيني انشوف بعيني نشوف احبابي وديني نشوف احبابي وانا لي حد كّعودي


QR، كود كلمات بابا عمر

QR، كود كلمات بابا عمر

تعليق الفايس بوك
hespress
Author: hespress

كلشي عل المغرب




About hespress 6010 Articles
كلشي عل المغرب

قم بكتابة اول تعليق

اترك رد