كلمات الله جمع المومنين

الرمز المختصر للمعلومة فقاعدة البيانات MM6537







كلمات الله مجمع المومنين لمحمد رويشة

العنوانجمع المومنين
كلماتمحمد رويشة
الحان وغناءمحمد رويشة
الرمز المغربي Mmmm6537

الله مجمع المومنين
صليو على النبي كاملين
يا الجواد الحاضرين
صليو على بو فاطمة

باسم الله مفتاح الكلام
سبحان من لا يسهى ولا ينام
مول القدرة مول الحكام
سبحان من عظمْ شانو
سبحان الباقي بالدوام
سبحان العالم بالعلام
سبحان الكريم الكْرَامْ
من حدْ كْمَالو
مكثر فصلاة الحبيب
بالفصال عدي وجيب
قد الحاضرين و اللي غايب
واللي جا ومشا لو
خمّرني انا حب الحبيب
كواني كيا فالقليب
مرة نسهى مرة نغيب
العقل متهول حالو
فيق ياراسي فيق
راك بقيتي فالطريق
ماعملتي زاد ولا رفيق
غير فعالك وعمالو
مادرت فعال ولا عمال
لمن نشكي حملي ثقال

ولي ميقرا ولا يسال
ضايع فالدنيا حالو
ضيِّعت انا وقات الصلاة
ومشا ليَّا عمري خلا
كيف لي تاه ودجلى
ولا من لقاه يسالو
يا راسي يا راسي خليت
ما صليت ولا قريت
حتا إن شبتْ لي وعيت
راه راسك شابكْ حالو
داز عليا داز السهو
نصحاب انا راني فالزهو
ضييعت يامي ف اللهو
ومشالي عمري فحالو
علا يا راسي خلاص
فين لي كبروا الرّاس ؟
فين اللي غرسوا غراس
يفرح من زيّين فعالو
هاد الدنيا ما دووم
وين الجداد وين العلماء
وين السادات اهل الحروم
وين قارون ومالو
هاد الدنيا اراسي تفوت
مايبقاش لي مايموت
وين الرفاكة وين الخوت
مشا ما بان خيالو
هاد الدنيا اراسي غرور
لا تامنهاش راها دوور
بعدما تعطي ترجع فشور
مهبوول اللي تزهالو
هاد الدنيا اراسي غرور
لا تامنهاش راها دوور
بعدما تعطي ترجع فشور
مهبوول اللي تزهالو
مابقى قدر ماندير
مكتوب ذنوبي كتير
جاك أراسي كي دير
عمرك قرب أجالو
ما يرجاك فيوم الهول
يوم الحساب مع العْقَاب
بيديك تشد الكتاب كلها يقرا عمالو
سترنا يا ستار العيوب
و سمح لينا في هاد الذنوب
حرْمتْ الانبيا و الكتوب
و اهل السرّ وكمالو
سيدي ربي مول الغطا
تسمح لعبدك فيما خطا
غطينا نتا مول الغطا
غطي عيبي و زلايلو
مادرك حال الجهل
ومانفع كحل العمال
برحمتك يا مول الفضايل
من دعاك تستاجبهالو
وين اراسي وين
وي باك وين الحباب وين الصحاب
هاد الدنيا متل السرابْ
كي لي شاف خيالو
هادي معنى لأهل العقول
حكمة والسر مع القبول
سمع الياقوت من الحلول
نظمْ الجوهر وقالو
عبْرت انايا عبير
ماشي الصوف بحال الحرير
گولت لحارثين الشعير
واش القمح بحالو
الله جمع المومنين

QR، كود كلمات الله امجمع لمومنين لمحمد رويشة

QR، كود كلمات الله امجمع لمومنين لمحمد رويشة

سمع لاغنية جمع لمومنين عل قناة المغرب للفيديو

تعليق الفايس بوك
hespress
Author: hespress

كلشي عل المغرب




About hespress 7109 Articles
كلشي عل المغرب

قم بكتابة اول تعليق

اترك رد