كلمات اغنية العالم يا العالم
| العنوان | العالم يا العالم |
| كلمات | تراث |
| غناء | خدوج سطاتية، حادة اوعكي، فاطمة الزحافة ووخرين |
| الرمز المغربي MM | mm7523 |
العالم يا العالم علاش نطولو في ليام
يا ولعاشق باع عودو وهداه لك يا رقيقة لوشام
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
الله الله يا مي يا حنا دوارنا اش بلاني فيه
لا كليت مايبان عليا عليا ويلا ضحكت ندم عليه
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
الله الله يا مي يا حنا لي مريض واش ايداويه
داويه شابة صغيرة ولا عزبة كيف صامت رمضان
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
علاش تكدبي عليا وتگولي ليا في گليبي نبغيك
او غدارة مافيك نية ولا كدبتي الله يعريك
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
علاش عليك لعداوة ملي تشوفيني تحدري عينيك
سيري يبليك مابلاني تباتي سهرا ن ولا نعاس ايجيك
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
واتلاقينا في طريق الرحمة هي مشات ونا وليت
وهي ردوها وصبرت ونا بعدا في قليبي تكويت
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
هادوك الداخلات هادوك الخارجات في باب فتوح
نتوما دعيو بالسلامة وانا بعد راه قليبي مجروح
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
ؤكون هلي ساعفوني نبيع بلادي نخسرو عل لبنات
ندير دربالة وعكاز فينما تروح الشمس نبات
العالم يا العالي علاش نطولو في ليام
يا ولعاشق باع عودو وهداه لك يا رقيقة لوشام
سمع للاغنية بصوت حادة وعكي عل موقع لمغرب للفيديوهات
QR، كود العالم يا العالي
| QR، كود العالم يا العالم |
 |
Author: hespress
كلشي عل المغرب
قم بكتابة اول تعليق