لا ديدي لا حب لملوك

لا ديدي لا حب لملوك

اصل لمثل المغربي “لا ديدي لا حب لملوك”، تيقولو بلي شي فرنساوي فيامات الاستعمار سميتو ديدي Didier كانت عندو شي فيرما دحب لملوك فمدينة صفرو وكانو الناس تيخدمو عندو وعايشين معاه. شي نهار شعلات العافية فالفيرما وملي بغا لفرنساوي يطفيها تحرق تا هو ومات. لغد ليه ملي مشاو الناس يخدمو فالفيرما لقاو شجر حب لملوك تحرق وتا ديدي تحرق معاه، ورجعو بحالتهوم. ملي رجعو بكري من الخدمة سولوهوم الناس مالكوم رجعتو بكري علاش ماخدمتوش، قالو ليهوم تحرقات الفيرمة وسلوهوم واش خلصهوم ديدي فليامات لي خدمو من قبل، جاوبوهوم مالقينا لا ديدي لا حب لملوك. وبقات القصة والمثل تيتناقل بين الناس ولي تيتقصد به ملي تيضيع منك كلشي وماتتبقا ليك تا حاجة. او تتكون معول عل شي حاجة وماتتوصل لوالو من بعد كاتضرب تمارة عليها.

QR، كود مثل لا ديدي ل حب لملوك

Author: hespress

كلشي عل المغرب