الڭرادة

الرمز المختصر للمعلومة فقاعدة البيانات MM2448







الڭرادة

السميةالگرادة
النوعحشرات
صنفالرتيلات
الطول3 – 5 ميلم
الرمز المغربي MMmm2448

الڭرادة، بالنكليزية the tick والجمع ديالها الڭراد هي حشرة من الفصيلة دالرتيلات تتعيش قالصوف والشعر دالحيوانت بحال لمعز، الخرفان، الكلاب .. ولي تقدر تنتقل تا لبنادم. الڭرادة تتعيش عل مصان دم الحيوانات او الانسان لي لاصقة فيه. طول الڭرادة فالغالب تيكون بين 3 و 5 ميليمتر وتيتقسمو لجوج نواع، الڭراد الرطب Argasidae والڭراد القاصح Ixodidae. والڭرادة توجدات هادي كتر من 120 مليون عام وفالظروف لمواتية والماكلة موجودة تقدر تعيش الڭرادة تا ال 3 سنين.


ڭرادة عامرة بالدم

من الاخطار د الڭرادة، عضتها تدير حريق وتقدر ادير تا الحساسية بالاضافة انها تقدر تنقل فيروسات وباكتريا الجسم والدم. وفنفس الوقت حيوانات وحشرات خرا كتيرة تتعيش عل الڭراد.


حجم الڭرادة قبل ومن بعد ماتتمص الدم

فالتقافة الشعبية المغربية الڭرادة، مرتابطة بعدة امتلة بحا “لصقة بحال الڭرادة” ولي تتقال عل شي واح لي تيلصق فشي حاجة، تيلصق فشي هضرة وماتبدلش الموضوع او تيلضق فشي تصرق او تيلصق فشي واحد وماتيفرقوش. وفمتال خور تتضرب عل الناس القصار “قصير بحال الڭرادة” .

ترجمة لغات خرا

المغربيةالنكليزيةالفرنسيةالسبليونيةالعربيةالشلحة
مفردالگرادةthe tickLa tiquela garrapataالقرادة
جمعالگرادthe ticksles tiqueslas garrapatasالقراد

QR، كود الگراد

تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*