من قصائد سيدي عبد الرحمان المجدوب

الرمز المختصر للمعلومة فقاعدة البيانات MM2232







صفحة 9



يا من درى شي الحال يصبح و تدوم لينا الشميسة
اللي عاش لابد يفرح و تزول عليه الغبينة

يا ناس من شاف دمي غابت عني السمية
للبحر نشكي بهمي ينشف يولي تنية

الزيت يخرج من الزيتونة و الفاهم يفهم لغات الطير
اللي ما تخرج كلمته ميزونة يحجرها في ضميره خير

اللي علينا احنا درناه و اللي على الله هو به ادرى
خيط المحبة فنيناه ما خصاته غير المدرا

الناس قالوا لي عجايب و انا طريقي مسرور
اذا صفيت مع ربي العبد ما فيه ضرور

عينك و حواجبك سود و سوالفك هندويلة
يا نابشة الارض بالعود اتكلمي يا هبيلة

يا الجايزات في الطريق يا مقورين العمايم
في راسكم شي عناية و الا راتعين كالبهايم

مسكين من ماتت امه و باباه في الحج غايب
و ما صاب حدان يلفه و ضحى بين الدواور سايب

حجيت سبع حجات و تبت سبع توبات
رجيت نفسي تبقى لغيرها لا بات

شفيتني يا المسكين و شفاني حالك
الزين ما تاخذه و الدين ما ينعطى لك

ادهن السير يسير و به ترطاب الخرازة
النقبة تجيب الطير من باب سوس لتازة
 .

نتا فالصفحة 9 واللخرة، باش تقرا بقية لقصيدة اختر صفحة خرا: من 1 – 8

QR، كود قصائد لمجدوب

QR، كود قصائد لمجدوب
تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*