سكريبت كبور والشعيبية 1

الرمز المختصر للمعلومة فقاعدة البيانات MM6270







سكريبت كبور والشعيبية 1

لموضوعسكريبتات افلام ومسلسلات مغربية
فيلم / مسلسللكوبل 2 كبور والشعيبية
رقمسكريبت 1
تاريخ الاصدار 2014
القناةدوزيم
الرمز لمغربي MMmm6270

مشهد واحد:

كبور: الشعيبية
الشعيبية: ااه
كبور: الشعيبية
الشعيبية: ااه
كبور: الشعيبية
الشعيبية: ااه
كبور: الشعيبية
الشعيبية: وا نعام، سمعتك، سمعتك، ياك لاباس
كبور: قفزتينا ، مالك تتغوتي علينا مالك، تغوتي علينا والداني .. “سكات” وراكي تولديني نيت

مشهد جوج:

كبور: الطفلة خدات مدني عطاها جوج دلمنيول فالصداق … وعگبتهوم ليه باش يشري بيهوم بيت النعاس
شعيبية: إيه ومن بعد
كبور: من بعد .. اودي خليني ساكت، ماكاين زهر ..
شعيبية: أويلي .. ياك ماباغيني نرد ليك تسبيق د الصداق .. لي عطيتيني
كبور: اودي ..
الشعيبية: 45 عام وتا تمد ليا بالمية بالمية باقي گاع ماكملتيه، بنتي كملت صداقها قبل مني
كبور: علاه شكون تزوجات فيكوم اللولة
الشعيبية: انا … ولكن راجلها كمليها صداقها گبل منك انت ..
كبور: علاه خاصني نعطيه الطفلة ونعطيه معاها الصداق
الشعيبية: الا .. رجلها كمل ليها صداقها قبل من راجلي
كبور: راجلك؟ .. علاه انتي مزوجة
الشعيبية:نوض جمع النوضة، نوض .. نوض بدل ساعة بخرا .. گلبتي ليا راسي ..عل هاد لهبال ديالك، مالك شحال عاطيني … ربعالاف ريال تاهي فلوس .. الله يسامح ليك فهاد الصداق
كبور: ومالك ! ربعالاف ريال ديال شحال هادي هي ديال درك
الشعيبية: تا سير
كبور: ربغالاف ريال يال داك لوقت راه تشري بيها ميسي درك.
الشعيبية: آه
كبور: اودي ..

مشهد 3

الشعيبية: اويلي انت شكون يقبل عليك غا گوليا.. واحد خارج داخل لحبس
كبور: هداك ضلم .. ضلم … وطيحو عليا لباطل
الشعيبية:اويلي عل ضلم؟ نتوما خاونين للراجل سبعة دلبگرات وتگوليا ضلم
كبور:هوما لي خونو لبگرات .. هوما
الشعيبية: هوما خونو لبگرات ونتا اشدرتي؟
كبور: انا كنت غ حاضي العك
الشعيبية: ياك
كبور: أه
الشعيبية: هادي دوزناها ونهار داوك عل الكيف
كبور: الكيف داروه ليا فجيبي حسيفة .. داروه ليا فجيبي
الشعيبية: مسيكين دارو لك 53 كيلو ديال الكيف في جيبك .. كفرة
كبور: علاش ماتگوليش فايت مشدود عل قبلك .. يالله گولي .. علاه شكون لي لاح ولد السيكلس فالبير ..
الشعيبية: انا
كبور: إييه .. وشكون لي مشا فبلاصتك
الشعيبية: لا هادي كاينة
كبور: لالا گولي شكون … سايرة ادوي دوي .. باقي لدرك فيل لبرودة ديال السيلون
الشعيبية: “سكات” كبور آ كبور .. گوليا .. باقي دخل عليا لحبس
كبور: اندخل عليك لحبس
الشعيبية: اربي اربي السگع
كبور: والله تندخل عليك الحبس ومنضتي من حدايا … نوض نوض تگعد.

QR، كود سكريبت 1 كبور والشعيبية

QR، كود سكريبت 1 كبور والشعيبية

تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*