لگديد

گديد

الكلمة	گديد / قديد
المنطقة	لمغرب
الصفة	سمية
نوع	ماكلة مغربية
لفيعل	گدد / قدد
بالنگليزية	Jerky meat
الرمز المغربي MM	mm6589

گديد او قديد ومعرف لقديد او لگديد، ومفردو گديدة او قديدة، هو طريقة لي كانو بها لمغاربة تيخزنو اللحم لمدة طويلة فوقت ماكانتش التلاجة وسائل تقنية لي تحافض عليه. وهكدا ابتكرو طريقة تگديد اللحم ولي هي تقطيع اللحم عل شكل سميطات رقاق وتيتجفف فالشمش باش ينشف من لما والدم لي فيه ويضيفو ليه لملحة باش مايدودش، وهكدا تيصبر لمدة طويلة ولعملية كانت تتستعمل خاصة فلحم لعيد لكبير باش لي ماحضرش فالعيد من لعائلة تيبقا ليه حقو ويدوق لحم لعيد. وتيتستعمل لحم لقديد عل طول لعام عل حساب لكيمية وفالغالب تيتكال فعيد لمولود.

ولگديد جاي من فعل گدد، وگدد تتعني تتقوم بعملية تگديد للحم وفنفس لوقت تتقال ملي شي واحد تيبقا يعض بسنانو لعضام داللحم باش يحيد اي بقايا داللحم لاصقة عل لعضم. وتيتقال تيگدد لعضام.

لگديد بلوغات خرا

اللوغة	لمغربية	نگليزية	شلحة
	گديد	Jerky meat	تغارين
النوطق	guadid	جيركي مييت	Tigharine

QR، كود لگديد

QR، كود لگديد