قملة

قملة

قملة ولجمع لقمل وبالنگليزية lice، ولقمة بخوشة او حشرة بارازيت تتعيش عل دم لي عارض عليها فشعرو فالراس او الشعرة او تحت ليباط. ولقمل من صنف لقمليات وهوم جوج اصناف، كاين لي تيعيش فراس بنادم او شعرتو او تحت ليباط، وهاد النوع ماتيطيرش، ولقمل ماعندوش جناح، النوع لي تيطير او تينقز عندو رجلين اللور طوال تيسمحو ليه اينقز، هاد النوع غالبا تيعيش فالحيوانات بحال الطيور ولكلاب ولقطوط. ولقمل تيبيض، تيصلق لعش دديالو فالشعر وتيبيض لي تنسميوه الصيبان ولي عندو لون بيض. ولقمة غا تتفقص تتكون بيضة ولونها تيتحول للقهوي من اول وجبة ددم لي تتمص من راس بنادم او لحيوان لي ساكنة فشعرو. حاليا لقمل مابقاوش موجود ماشي بحال ماقبل تمانينات القرن العشرين فين كان لقمل شائع. ولقرصة دالقمل قاصحة تتخلي الشعر تاياكول تيخليك لي حاملو يحك شعرو.

فالقرن العشرين وما قبل كان لقمل شائع بشكل كبير وخاصة انو يمكن ينتقل من واحد لاخر غا بالكونطاكط او يستعمل فراش شي حد مقمل. وكان معروف مايسمى لفلي او الفليان، وهي عملية ايقوم بها شخص لشخص خور تيقلب ليه او ليها شعرو ويقتل لقمل لي تيلقاه وغالبا تيبغجها بين جوج ضفرين. والطول دالقملة تيكون بين 1 تا ال 4 ميليمتر وعندها 6 دالرجليم مفصلية، وتتعيش بمصان الدم. والقملة تتبيض 8 دلبيضات تتحطهوم فخنيشة صغيرة قل من ميليمتر تتسمى صيبان، هاد لخنيشة تتلصق عل الشعر وتيكون صعيب تحيد. ولبيض تيفقص فمدة ما بين 7 تا ال 10 ايام، ومتوسط لعمر دالقمل تقريبا 30 يوم. مع لعيلم ان لقملة تتبلغ وتتبدا تبيض فمدة 7 ايام، وتتبيض يوميا فحدود 8 دالبيضات.

ورقة تقنية عل لقمل

القمل
بالنگليزية: louse
الرمز لمغربي MM	mm6057
التصنيف العلمي
المملكة:	الحيوانات
الشعبة:	مفصلية الرجلين
الشعيبة:	سداسية الرجلين
الطايفة:	بخوش
الرتبة:	قمليات
الاسم العلمي
Phthiraptera   إرنست هيكل  ، 1896

QR، كود لقمل

QR، كود لقمل