مرض السكر او فقط “فيه السك”ر لي تنسمعو عادة هو مرض ملي تتكون نسبة الكليكوز او نسبة السكر بالدم مرتفعة. السكر تيجي من الماكلية لي تانكلو اتاي، خبز، فواكه … الانسولين هو هرمون تيساعد السكر يدخل فالخلايا باش تيعطيهوم الطاقة والقوة او الدجوهد كي تيقولو جبالة. النوع اللول د السكر هو ان الجسم ماتيصايبش الانسولين والنوع التاني ولي هو كتير الجسم ماتيصايبش او ماتيستعملش الانسولين بطريقة مزيانة والسكر تيبقا فالدم عوض ماتيمشي الخلايا.
لبقا السكر فالدم مع الوقت تيدير مشاكل كتيرة يقدر يضر بالعينين ويدير العما، يقدر يدر فشل فالكليات او حتى الجهاز العصبي. السكر يقدر ايضا يدير مرض القلب، الستروك، او يخليك تستاصل شي طرف من الجسم.
تعليق الفايس بوك
قم بكتابة اول تعليق