بطاطا

بطاطا

بطاطا وبالتعريف لبطاطا وبالنگليزية Potato، ولكلمة موخودة من اللوغة السبليونية Patata، ولي تا هوم واخدينها من لغات حضارة لانكا. وتنقولو بطاطية عل حبة وحدة دلبطاطا. لحجم دلبطاطية تيختلف عل حساب النوع وطريقة لفلاحة ولاسمدة لمستعملة. ولبطاطا، نبتة تتعطي نوع دلخضرة تتوجد فعدد دلاصناف ولالوان ولانواع وسميتها لعلمية Solanum tuberosum. وبطاطا من صنف الدنجالايات وهي لمنتوج لي تيتفلح بكثرة فلعالم. ولاصل دلبطاطا من امريكا الجنوبية وخاصة من دولة الشيلي حاليا واخا كانت تتواجد فكل امريكا لاتنية وحتى امريكا الشمالية. وفلحوها سكان لحضارة لقدية بامريكا لانكا من كثر من 10 لاف عام. تعرفات اوروبا عل لبطاطا فلقرن 16 من بعد ما صدروها السبليون من مستعمراتهوم فامريكا الجنوبية. ومانتشرات بالزربة لفلاحة ديالتها حيث لاوروبين كانو مشوشرين منها فاللول. ودخلات لبطاطا لمغرب فالقرن 18 عل طريق السبليون.

بطاطا بلوغات خرا

اللوغة	لمغربية	نگليزية	سبليونية	لعربية
	بطاطا	Potato	Patata	بطاطس
النوطق	batata	بوطايطو	باطاطا	batatess

لقيمة لغدائية دلبطاطا

ولبطاطا تتكون من 80 فالمية ما و 20 فالمية مواد قاصحة، 85 فالمية من لمواد القاصحة تتكون من الناشا ولباقي بروتينات. كيفما فيها فيتامينات ومواد معدنية بحال لحديد ولماغنزيوم زلفوسفور ولكالسيوم بنسب مختلفة.

وعل حساب دراسة امريكية كل 100 گرام دلبطاطا فيها:

• السعرات لحرارية: 78
• الدهون: 0.10
• الدهون لمشبعة: 0
• الكاربوهيدرات: 17.20
• الألياف: 3.3
• البروتينات: 2.86
• الكولسترول: 0

ورقة تقنية عل لبطاطا

بطاطا
Potato
المرتبة التصنيفية	گنس
التصنيف لعلمي
نطاق	حقيقيات النوى
لمملكة	عشبة
طايفة	ثنية لفلقة
رتبة	الدنجاليات
الرمز لمغربي MM	mm6586
نوع:	بطاطا
السمية لعلمية
Solanum tuberosum  لينيوس

QR، كود بطاطا

QR، كود بطاطا

ولبطاطا تتطيب بشلا طريقات، مقلية “فريت” محمرة، مسلوقة، مطحونة، .. ميوات دالطريقات لمقلناش لالاف. لتحت صور داطباق مصايبن من لبطاطا.