المازوط او كاين لي تينطقها بالتا المازوت بالنكليزية diesel fuel ديازل فيول هو نوع دالمحروقات لي تتستعمل فالمواطر ديازل. والمازوط يمكن ينتنج من عدة مواد من غير البترول والنفط لي معروفين بحال البيو مازوط والبيوماس مازوط. والسمية ديازل تترجع للالماني رودولف ديازل لي اخترع الموتور ديازل ف 1892 ولي كان تيستعمل الفحم الحجري غبرة مخلط مع مواد خرا بحال الزيت النباتية وزيت الكاوكاو ولي تستعملات اول مرة فمعرض باري ف 1900. وتيبقى البترول هو الوسيلة الساهلة لانتاج المازوط.
والفورميلا ديال المازوط هي مكون كيماوي من الكاربون والهيدروجين ودراة الكاربون فالجزيئة تتكون ما بين 9 درة و 25 درة عل حساب الجودة. الفورميلا الشائعة هي C12H24 ولي ممكن تغير من C10H20 تا C15H28 .
مع C هو رمز لدرة الكاربون و H رمز لدرة الهيدروجين.
قم بكتابة اول تعليق