شناهو الضغط الدموي او طانسيون وكيفاش تيتعبر.

الضغط الدموي

السمية	طونسيون
وحدة دالعبار	MMHg ميليمتر زئبق
الرمز المغربي MM	mm5144

كيف معروف القلب هو لي مسؤول بتوزيع الدم عل الجسم والاعضاء والخلايا. باش يقوم بها الدور فكل ضربة تيضخ الدم للعروق العراض. الدم لي تيتدفع فالعروق تيدير ضغط عل الجدار دالعروق. هاد الضغط عل لعروق هو لي تيتسمى الضغط الدموي او طانسون كيف معروف عند عامة الناس.

كاينين جوج عبارات دالطانسيون :

اللول وتيتسمى سيستوليك هو لي تيتعبر ملي القلب تيدفع الدم العامر بالوكسيجين العروق.

والتاني تيتسمى دياستوليك تيتعبر ملي القلب تيترخى وتيبدا يعمر بالدم.

الطانسيون تيتعبر بالميليمتر زئبقي “mmHg” وتيكون مكون من جوج ارقام د السيستوليك “ملي الدم تيتدفع العروق” و دياستوليك “ملي القلب تيترخى ويخلي الدم يدخل” متلا لكان الضغط 130/90 هدا تيعني السيستوليك 130 mmHg و دياستوليك 90 mmHg وطبعا ديما السيستوليك تيكون كبر من دياستوليك.

فشناهو الطانسون العادي والطانسيون لي ماشي عادي او طالع ليه الطانسيون؟

الطونسون نورمال عند انسان بالغ هو ملي تيكون السيستوليك قل من 120 mmHg و دياستوليك قل من 80 mmHg.

وتيكون الطانسون نورمال ولكن تيتحسب طالع شوية ملي تيكون السيستوليك بين 120 و 129 والدياستوليك قل من 80

وتيتسمى طالع درجة واحد ملي السيستوليك تيكون بين 130 و 139 أو “نتبه او ماشي و” الدياستوليك بين 80 و 89.

وتيتسمى طالع درجة جوج لكان السيستوليك فوق 140 او دياستوليك فوق 90

والا السيستوليك فات 180 او دياستوليك فات 120 فهنا تتولي الحالة خطيرة وضروري من الطبيب والعلاج.

الضغط الدموي بلغات خرا

المغربية	طانسيون
النگليزية	Blood pressure
الفرنسية	Pression artérielle
العربية	الضغط الدموي
الشلحة
السبليونية	Presión sanguínea

QR، كود الطانسون