الاخوة بوريكات

الاخوة بوريكات

الاخوة بوريكات ولي المقصود بهم، ميدحت بوريكات، بايازيد بوريكات وعلي بوريكات باهوم عبد الرحمان بوريكات مواطن تونسي فرنسي ومهوم من العائلة الملكية بنت عم محمد الخامس. مامعروفش عليهوم بزاف الا من داكشي لي عاودو لمعتقلين فسجن تازمامارت ملي كانو فيه. لي معروف اانهم كانو عايشين البدخ بحكم ان باهوم هو لي اسس المخابرات المغربية من بعد ما خرجات فرنسا من المغرب بحكم انو كان تيخدم مع البوليس دفرنسا وعندو تجربة. مارسو التجارة وخاصة تجارة الشاي مع دول جنوب شرق اسيا. الاخوة بوريكات تعرفو فقط من خلال اعتقالهم فسجن تازمامارت من بعد ماخرجو منو فعم 1991. ولي من بعد غا يطلبو اللجوء فدول غربية.

تم الاعتقال ديالهوم فعام 1973 فين غا يتلاقاو فالحبس مع معتقلين من انقلاب 1971 ولي هوم محمد عبابو والشلاط وعقا حروش ومزيريگ والحسين المانوزي. وغادي يقررو يهربو من الحبس فيوليوز من عام 1975 وبالفعل هربو ولكن الغد ليه تشدو تاني ورجعو الحبس تا لعام 1981 فين غيحولوهم من الحبس لي كانو فيه لحبس تازمامارت. كيف تيبان ماكايناش شي معلومات كثيرة عليهم ولا عل سباب اعتقالهم ولي تاهوم ماصرحوش او معطاوش معلومات عل سباب اعتقالهم لا فاللول لا علاش نقلوهوم لتازمامارت ولي كان مخصص للانقلابين دانقلاب 1971 وانقلاب 1972. كاينة رواية انهم كانو تيديرو التجارة بسمية الملك الحسن التاني بلا خبارو وكاينة رواية تتقول بلي انهم خبرو الحسن التاني بانقلاب متوقع غا يديرو احمد الدليمي هو لي خلا هم يتعتاقلو. الحاجة الوحيدة لي متأكدة هي انهم دوزو تازمامارت.

ورقة تقنية عل الاخوة بوريكات

الاخوة بوريكات
سباب الشهرة
معتقلين من تازمامارت
معلومات شخصية
الميلاد	ميدحت بوريكات، 1932 بايازيد بوريكات، 1933 علي بوريكات، 1937
الرمز المغربي MM	mm5036
الحياة العملية
المهنة	سياسة، تجارة، كاتب

QR، كود الاخوة بوريكات

---