يوتيوبر
الكلمة | يوتيوبر |
المنطقة | لمغرب |
الصفة | سمية |
لفيعل | |
بالنگليزية | youtuber |
الرمز المغربي MM | mm6740 |
يوتيوبر ولجمع يوتيوبرز ولمؤنث يوتيوبرة وبالنگليزية Youtuber و Youtubers فالجمع، هو الشخص لي تيدير محتوى بالفيديو عل موقع اليوتيوب. كيفما فالعالم فلمغرب ايضا عرف ضاهرة اليوتيبرز لي تيصايبو محتوى مرئي وسمعي عل شبكة موقع اليوتيوب. لمحتوى لي ايدار تيكون عندو علاقة بكل يوتيوبر كيفاش تيشوف باش يكسب مشاهدات وزوار ومتابعين، وكلها تيختار محتواه، هاد لمحتوى لي يقدر ايكون فكاهة، مواضيع جادة، مواضيع دلكيلو فقط كلام وهضرة او موسيقى او تقييم لشي حاجة او حوايج او الطبخ او مواضيع روتيني اليومي او السياسة او الندال او نشر الفضائح او الدين . الهدف تيبقا هو رفع عدد الزيارات ولمشاهدات ولمشاركات، وايضا رفع لارباح لي تتجي من هاد الفيديوهات. لارباح لي تيشاركها يوتيوب مع اليوتيوبرز من خلال لاشهارات لي تتعرض عل فيديوهاتهوم.
ضاهرة ليوتيوبرز وصلات تا لمغرب ولو غالب عليها طابع الربح باي شكل كان وماعرفش افكار جديدة او محتوى رزين، هادا ماتينفيش وجود يوتيوبرز مغاربة عندهوم مايتگال وتيساهمو فالتوعية او التنشيط اونلاين. فقط اشارة لحد هاد نهار فالطابع لعام دليوتيوبرز لمغربي غالب عليه طابع نربح لفلوس باي شكل ولو بالسعاية ولحزارة ولبكا لطلب لمشاهدات او بالكدوب واللعب عل شي حاجة لي تتثير لعاطفة عند الناس وخاصة لمغاربة تيكون عندهوم تفاعل كبير ملي تتحضر لعاطفة، لدرجة ان اشخاص من خارج لمغرب، مصر، الدزاير، الشرق لعربي، فلسطين، وحتى من امريكا ولاو يتيوبرات موجهين مواضيعهوم للمغرب مستغلين هاد العاطفة الزايدة لي عند لمغاربة لجني ارباح عل ضهرهوم.
QR، كود يوتيوبرز
QR، كود يوتيوبرز |
قم بكتابة اول تعليق