قسم

قسم

توضيح: قسم هنا تنقصدو بها لوقت، كنتي تتقلب عل كلمة تتكتب ينفس الشكل شوف توضيح قسم

قسم، وتتنطق 9SAM، يالسكون عل لقاف وفتحة عل السين وسكون عل لميم وبالنگليزية هي five minutes. هي مدة دلوقت لي تتساوي 5 ددقايق او 300 تانية. وقسم تتعني تتعني جزء او طرف من شي حاجة تتقبل لقسيم. تنقولو قسم او قسمة ولجمع قسمات او قسامي. ولاصل فالسمية د 5 ددقايق بقسم هو انو الساعة تتكون مقسمة ال 12 دالقسمات كل وحدة من 5 ددقايق حيت الساعة فيها 60 دقيقة. هاد لقسامي لي تيجيو موافقين مع النوامر لي مكتوبين فالساعة.

صورة للساعة ف التسعود وقسم

وهكدا تنقولو متال الربعة وقسم ولي تتعني الربعة و 5 ددقايق، او الربعة وقسماين ولي تتعمي الربعة و 10 ددقايق او الربعة قل قسم ولي تتعني باقية 5 ددقايق عل الربعة او الربعة قل قسماين اي ناقصة 10 ددقايق عل الربعة. فالغالب قسم تتستعمل غا ف 1 او 2 قبل الساعة او من بعد الساعة. فبعض لمناطق كاين لي تيمشي بالقسم تا فوق 1 و 2، وتيقول الربعة وتلت قسام اي 15 دقيقة او الربعة وربع قسام “اي 20 دقيقة” او 5 قسام “اي 25 دقيقة” 6 قسام ماتيستعملها تا واحد حيت تتجي مع ونص.

صورة فين الساعة هي التسعود وقسماين

صورة لساعة فيها التسعود قل قسماين

صورة لساعة فيها الطناش قل قسم

QR، كود قسم

QR، كود قسم