عصارة

عصارة

الكلمة	عصارة
المنطقة	لمغرب
الصفة	ماكينة
لفيعل	عصر
بالنگليزية	Juicer
الرمز المغربي MM	mm6776

عصارة ومعرفة لعصارة ولجمع عصرات ولعصارات، هي لمكينة لي تنديرو بها العصير. ولعصارة تقدر تكون ميكانيك او تتخدم بالضو. وكاين لي تيسميها مولينيكس نسبة للماركة مولينيكس بحكم غا هي لي كانت شي وقت وهكدا لماركة خدات صفة لعملية لي تدير. ولعصارة تتطلق تا عل لماكينة لي تتصيب القهوة وتنقولو لعصارة دالقهوة.

ولعصارة مصدر من فعل “عصر” ولي تتعني الضغط والبريك عل الحاجة تا تتوصل لاصغر حجم ممكن ديالها. تنقولو عصر لحوايج ولي هي عملية الضغط عليهوم باش يقطرو من لما ملي تنصبنوهوم. او عصر الزيتون او لعصير دالزيتون، ولي هي لعملية لي تتدار باش تنخرجو الزيت من الزيتون من بعد ماتيتطحن.

وتتقدر تستعمل تا فالمجاز، وتنقولو بنادم خصك تعصرو باش باش يعطيك حاجتك ولي تتعني تبقا تضغط وتلصق فيه بش تاخد حاجتك، معنى لعصير هنا ماشي بالمعنى لميكانيكي دعصير الليمون او الزيتون.

مرادفات خرا دالعصارة

• مولينيكس
• الطحانة

عصارة بلغات خرين

اللوغة	لمغربية	نگليزية
	عصارة	Juicer
نوطق	3assara	جيوسر

QR، كود لعصارة

QR، كود لعصارة