حدر
لموضوع | لوغة مغربية |
كلمة | حدر |
لحالة | فيعل |
مصادر | حدرة، حدورة، حادر، تحدر |
الرمز لمغربي MM | mm7144 |
حدر وبالنگليزية descend، هو فيعل فاللوغة لمغربية ومنها جاي، حدرة وحدورة وحادر. وحدر لفيعل هي تتنقل من بلاصة عالية لبلاصة تحت منها يا إما عمودي او مايل من بلاصة لفوق لبلاصة لتحت مايلة لتحت. تنقولو حدر راسك بمعنى تنزلو لمستوى من لعلو قل فين كاين دابا. وحدر تقدر تجي بمعنى نزل، هبط.
وكيفما تتقول اغنية الفنانة لكبير حادة اوعكي فاغنيتها
وا حدري الخامية وزيدي فالنعاس آ البرگية
وا لي گالسة تتبكي، وا لي گالسة تتشكي
وا تعالي تعالي أتا نگوليك
https://wp.me/pcGjqL-e7x
مرادفات خرين لحدر
- نزل
- هبط
- هوود
- تكركب “فيها شوية دلقدح”
مصادر من حدر
حدورة: هي لبلاصة لي مايلة من لفوق لتحت، تنقولو طريق حدورة او لرض حدورة تتعني لمشينا من نقطة أ لنقطة ب فحدورة لعلو فالنقطة أ غا يكون كبر من لعلو فنقطة ب. فلوقت لكان لعلو فنقطة أ صغر من لعلوو فنقطة ب تنقولو عليها طلعة او لكان نفس لعلو ف أ وفنقطة ب تنقولو وطية او وطا.
حدرة: حدرة هي بنفس معنى حدورة تتبقا غا تعود فلكلام .
حادر: حادر او حادرة للمؤنث تتقال عل لحوايج لي مايلة لتحت او ناقصة فلعلو. متال: هاد الريدو حادر او هاد لباب حاد او واحد لبنت او لولد حادر شوية تتجي بمعنى قصير. وحادر صرف دفيعل حدر تتعني جاي من لفوق لتحت. متال: هنا حادر للدار او هنا حادر فالدروج.
تحدر او تحدري لمؤنت تتجي بمعنى تحنا.
صرف فيعل حدر
لبيرسونيل | لباصي | لحاضر | جاي |
---|---|---|---|
انا | حدرت | حادر | غانحدر |
نتا | حدرتي | حادر | غاتحدر |
نتي | حدرتي | حادرة | غاتحدري |
هو | حدر | حادر | غابحدر |
هي | حدرات | حادرة | غاتحدر |
حنا | حدرنا | حادرين | غانحدرو |
نتوم | حدرتو | حادرين | غاتحدرو |
هوم | حدرو | حادرين | غايحدرو |
QR، كود حدر
QR، كود حدر |
قم بكتابة اول تعليق