لبراني
| لموضوع | لوغة مغربية |
| لكلمة | براني |
| الرمز لمغربي MM | mm6296 |
براني وبالتعريف لبراني ولمؤنت ديالها لبرانية ولجمع برانيين لدكورة وبرانيات للانات، بالنگليزية Stranger، فاللوغة لمغربية لمقصود بها هو الشخص لي تيكون غريب عل مجموعة معينة. فوسط عائلة يمكن نسميو اي واحد ولو الجار لي ماشي من لعائلة براني عل العائلة او فمجموعة دلصحاب اي واحد ماشي من لمحموعة ولو يكون صاحب واحد فيهوم فهو براني عل لمجموعة او فحي متلا اي واحد ماشي من لحي تيكون براني عل لحي نفس شي بالنسبة لمدينة وتتوصل تا لدولة ككل، اي واحد جاي من دولة خرا اجنبية او برانية لشي دولة فهو براني عل الدولة. ممكن براني تجي بمعنا لغريب،لمهاجر، الزائر. وبراني جاية من السمية برا، ولي تتعني خارج الدار. وبرا هي ليسباس لي خارج باب الدار. لقضية ماتتقتصر غ عل لاشخاص، تقدر تستعمل تا فالسلعة وحوايج خرا، متلا سلعة برانية او سلعة دبرا لمقصود بها سلعة جاية من دولة خرا او من مدينة خرا، وفهاد لحالة تتعني ماشي محلية او دلمنطقة.
براني بلوغات خرا
| لوغة | لمغربية | English | عربية | فرنسية |
| براني | Stranger | غريب | étranger | |
| نوطق | Beranni | سطرونجر | gharib | إطرونجي |
QR، كود كلمة براني
| QR، كود كلمة براني |
 |
Author: hespress
كلشي عل المغرب
قم بكتابة اول تعليق