اللي فيه الفز كيقفز

مول الفز كيقفز

صنف	امثلة مغربية
المنطقة	لمغرب
المصدر	مامعروفش
الرمز المغربي MM	mm8200

اللي فيه الفز كيقفز، او مول الفز كيقفز، هو مثل مغربي تيتقصد به لي منوي فراسو او شاك فراسو تيدير شي حركة كردة فعل او تيقفز. كاينين جوج دالروايات عل لمعنى دالمثل، الرواية اللولة عل القصة لي تتحكي بلي شي واحد تسرق ليه الداج ومشا عند القاضي وجاب هادو لي شاك فيهوم كامين ممكن يكونو سرقو ليه الداج لعند القاضي. والقاضي باش يعرف شكون لي سرق الداج ملي تا واحد ما عتترف، قاليهوم بلي لي سرق الداج نسا ما نفضش راسو وبلي هادك لي سرق الداج راه كاينة ريشة عل حايجو، واحد من لمتهمين نقز قبلاصتو بدا تينفض حوايجو . وكانت هادي الطريقة باش عرف الشفار. ومن هنا جات مول الفز تيقفز.
والرواية تانية جاية من كلمة فز باللوغة لعربية ولي تتعني الفزع او لخوف، تيتقال “فزه الرعد” تيعني قفزو من بلاصتو او “فزه لانفجار” خلعو لانفجار وحركو من بلاصتو بلا ارادتو. او لي فيه لخلعة تيقفز.

عل لعموم تيبقا لمعنا هو انو لي تيكون مخوخش فراسو او منوي او داير شي حاجة او خايف من شي حاجة لسمع شي هضرة تيتنوا وتيضن راه تيدويو عليه او تيقصدوه.

كيفاش تتنطق بصوت رئيس الوزؤاء السابق عبد الاله بن كيران

كيفاش تتنطق بصوت لممثل رفيق بوبكر

QR، كود لي فيه الفز كيقفز

QR، كود لي فيه الفز كيقفز