السبع بولبطاين

السبع بولبطاين

لكلمة	السبع بولبطاين
المنطقة	لمغرب
الصفة	احتفال / تراث
لفترة	العيد لكبير
بالنگليزية	!!
الرمز المغربي MM	mm6957

السبع بولبطاين، وكاين لي تيسميه بوقريعة وكاين لي تيسميه بوجلود وكاينين سميات خرين بحال: بوهيروس، هرما، هي تقاليد مغربية تتدار فالعيد لكبير. مجموعة من الناس لي تيديرو الكارنفال تيلبسو الجلود شحال هدا كانو يلبسو جلود دداك العيد النيت حاليا تيفصلوها من جلود نقية، قلنا تيلبسو الجلود وتيدورو فالزناقي والدروبة وتيغنيو اهازيج بالبندير والطعريجة. السمية تتختلف من منطقة لمنطقة. كاينين روايات كتيرة عل الاصل دهاد التقليد، كاين لي تيقول هي من عادات امازيغية من ماقبل الاسلام وكاين لي تيقول حاجة تانية. عموما هاد المجموعة تتحاون تنشر الفرحة والنشاط بين الناس، وهدا الاساسي مع اختلاف الاصل ديالها. غالبا تتكون هاد العملية من بعد العيد بيوم او يوماين.

مرادفات ومعاني خرا للسبع بولبطاين

• بوقريعة
• هرما
• بوهيروس
• بوجلود
• بيلماون

صور من احتفال السبع بولبطاين

QR، كود السبع بولبطاين

QR، كود السبع بولبطاين