تصفار وتخضار

تصفار وتخضار

الكلمة	تصفار وتخضار
المنطقة	لمغرب
الصفة	صفة
لفيعل
بالنگليزية	Lour face
الرمز المغربي MM	mm6581

تصفار وتخضار، ولجمع يصفارو ويخضارو وبالنگليزية Lour face، كلمة فاللوغة لمغربية وتتصرف عل حساب لبيرسونيل فلمتكلم تتقال نصفار ونخضار ولمخاطب لمدكر يصفار ويخضار، ولقضية هنا ما عندها تا علاقة باللون لصفر ولخضر ولكن عندها علاقة بالتغير دلملامح دشي واحد او وحدة او مجموعة ملي تيحصلو فشي موقف خايب قيطي، شي كدبة شي فعلة مفضوحة ماتيبقاش ليهوم فاش يدافعو عل راسهوم وتتبقا ملامحهوم تتغير. او ملي تيحصل شي واحد فشي موقف دلخوف تيخلي ملاميحو تتغير. تغير دلملامح والتوتر لي تيبان عل وجه مول لفعلة تيتقال عليها ولا او ولات او ولاو تيصفارو ويخضارو. اوكيفما تتقول اغنية الحاجة لحمداوية فاغنية هزو بينا لعلام: هي هي جاية تصفار وتخضار، هي هي معشوقة فالنوار.

متال، شي واحد دار معاك شي فلاش خايب، وملي تتواجهو بيه وبلادلة لي ماتتخلي ليه فيه يراوغ او يرد وتتحبس ليه لهضرة وتتبقا ملاميحو تغير من لمفاجأة، تتقليه وجاوب، مالك وليتي تصفار وتخضار.

تصفار وتخضار بلغات خرين

اللوغة	لمغربية	نگليزية
	تصفار وتخضار	Lour face / look daggers
النوطق	Tessefar O tekhedar	لور فايس / لووك داگرز

QR، كود تصفار وتخضار

QR، كود تصفار وتخضار