تبياع لعجل
| صنف | لوغة مغربية |
| المنطقة | لمغرب |
| الكلمة | تبياع لعجل |
| الرمز المغربي MM | mm5623 |
تبياع لعجل او بيعوه لعجل او بيعوني لعجل ولي تيدير العملية بياع لعجل او بياعين لعجل للجمع مدكر وبياعات لعجل للجمع لموؤنث، وبالنگليزية Scam، كلمة جملة تتصرف عل حساب لبيرسونيل، ولجملة تتستعمل بمعنى تزرف الواحد او يزرفك الواحد عل حساب لمن لخطاب موجه. وتبياع لعجل، هي تبين لواحد لحوايج الزوينة فشي حاجة باش يشريها او تبقا تزين ليه لحوايج دشي حاجة باش يمشي فيها وانت عارف بلي ديك الطريق او الطريقة غااتزرفو. ولاصل فالقصة، هي طريقة تتدار فسواق الحيوانات، مجموعة مفاهمين بيناتهوم تيبقاو يتزايدو عل شي عجل بتمن فوق السومة ديالو، والغاشي مافراسوش راه مفاهمين وتاهو تيتزايد عليه معاهوم وتيحصل فيه وتيشريه. وهنا تنقولو بيعوه لعجل، يعني خلاوه يشريه بسومة فوق تمنو بلحيلة وهموه بلي راه شرا لمليح.
كاينة صيغة خرا تتقال بحال تبياع لعجل وتيتقصد بها نفس لمعني، فرشو ليه فوق لمطمورة.
مرادفات خرا دتبياع لعجل
تزراف، تقوليب، فرشو ليه فوق لمطمورة
QR، كود تبياع لعجل
| QR، كود تبياع لعجل |
 |
Author: hespress
كلشي عل المغرب
قم بكتابة اول تعليق