كلمات الدارجة: بزاف
الوضوع | لغة مغربية |
الكلمة | بزاف |
صفتو | اسم |
الرمز المغربي MM | mm5205 |
بزاف، كلمة فاللغة المغربية وتتعني كثيرفوق لقياس والنورم وتتقال لحوايج المادية وغير المادية. لحوايج المادية تنسبقو كلمة بزاف عل الحاجة لي غنوصفوها او نعبروها او نقيسوها وتنضيفو د او ديال بيناتهوم. وفغير المادية تتجي من بعد الصفة . متلا غنقولو “بزاف دالفلوس” او بزاف ديال لفلوس” ” بزاف دالطحين” تيبقى ممكن تدار من بعد ولكن تتكون تقلية فالكلام عكس فالحوايج الغير مادية، بحال اللون، الوصف دشي حالة، مثلا “بيض بزاف” “مريض بزاف” ” تيبغيها بزاف” “تيلمع بزاف” وكيفما فالحالة دالحوايج المادية يمكن تسبق كلمة بزاف عل الحالة ماشي خطأ غ هي تتكون تقلية فاللسان.
بزاف تقدر تجي بمعاني خرا عل حساب السياق، مثلا فلان بزاف عليك ولي تتعني فلان افضل او حسن منك.
وا بزاف : ولي تتعني فتي لقياس
الاصل دالكلمة غالبا جاي من الكلمة العربية بجزاف وتم اضغام الجيم باش تسهال فالنطق.
مرادفات
كثير،
بزاف | كثير |
بالنگليزية | a lot, much more |
بالفرنسة | beaucoup |
بالعربية | كثير |
QR، كود بزاف
قم بكتابة اول تعليق