الدرهم

الدرهم لمغربي

الدرهم المغربي وبالنگليزية Moroccan dirham وبالفرانسوية Dirham marocain وبالشلحة ⴰⴷⵔⵀⵎ وتيترمز ليه فلاوساط لمالية ب MAD، هو لعملة الرسمية دلمغرب من عام 1959. والدرهم تيتكون من 100 ستنتيم. وبنك لمغرب هو لي مسؤول عل طبع واصدار لفلوس لمغربية ولي تا هو تأسس فعام 1959 ف 30 يونيو وعوض البنك لمخزني لمغربي لي كان تأسس فعام 1907. وتم اعتماد الدرهم كعملة رسمية دالمغرب ف 17 كتوبر من عام 1959. وفعام 1974 صدر بنك المغرب عملة السنتيم ولي عوضات الفرنك لي كان قبل من السنتيم.

وفعام 1987 تاسسات دار السكة ولي تابعة لبنك لمغرب ولي هي لي مكلفة بطبيع لفلوس لمغربية وراق وشقفات.

وتيصدر بنك لمغرب وراق من فئة ديال 200 درهم و100 درهم و50 درهم و 20 درهم و 10 ددراهم، وكان يصدر من قبل تا ورقة د 5 ددراهم ولي تقطعات فاواخر التمانينات. فالوقت لي تيصدر شقفات من فئة 10 سنتيم و 20 سنتيم و50 سنتيم و 100 سنتيم او درهم و 5 ددراهم و 10 ددراهم

لوراق والشقفات لمستعملة فلعملة ددرهم

ورقات

200 درهم ، زرقالاف

100 درهم، القرفية

50 درهم

20 درهم

10 ددراهم

شقفات

10 سنتيم

20 سنتيم

50 سنتيم

1 درهم

2 دراهم

5 ددراهم

10 ددراهم

QR، كود الدرهم

QR، كود الدرهم