ديسكيت، فالدارجة المغربية هو قرص مغناطيسي د التسجال د المعلومات وتخزينها خارج الكومبيوتر. الديسكيت كانت عل جوج فورمات. الديسكيت B وديسكيت A. الديسكيتات ظهرو فنص د سنوات السبعينات من القرن العشرين وبقاو تيتستعملو تا لبداية القرن الواحد ؤعشرين. ف 2006 اغلب مصنيعي الكومبيوترات حيدو القارئ دالديسكيت من الكومبيوترات. القاري دالديسكيت B انقرض فوسط التسعينات من القرن العشرين وبقاو غا الديسكيتات A.
الديسكيت B كانت فشكل مربع طول د كل ضلع 5 انش وربع او 133 مليميتر وكانت السعة ديالها فحدود 1.2 ميغا بايت موزعة عل 80 تراك. والمعلومات تتخزن فشريط د البلاستيك داير مغناطيسي .
الديسكيت A ولي كانت اعلى جودة واكبر سعة واقل حجم من اليسكيت B بقات تتستعمل تا الحدود 2010 ولي ساعدها باش تستمر هو ظهور قارئ للديسكيت خارجي لي يمكن تربطو مع الكومبيوتر عل طريق اليو اس بي USB. الديسكيت A تاعي كانت مربعة فالشكل والطول دكل ضلع 3 انش ونص او 90 ميليمتر. وسعتها كانت تتوصل تا 1.44 ميغا بايت. الديسكيت A ولات اوفيسيل تتباع ف 1986.
قم بكتابة اول تعليق